教練心得：溝通須避開抽象詞語
【本報訊】游泳教練甘志豪為身體特殊需要兒童授泳逾十年，認為並非所有運動皆適合唐氏綜合症患者，「好似踢足球咁，患者除咗要兼顧同其他人配合外，對腳仲會食晒啲力，但游泳衝擊性較低，比較可取。」他希望透過運動減慢患者的機能退化，授泳時須顧及患者的體格需要及吸收進度，雖花上不少時間和心思，卻希望患者在運動有所突破及成就。
「佢哋啲肌肉無乜張力，而且頸椎比較脆弱，有啲仲患有扁平足」，甘志豪對唐氏症患者身體情況有深入了解，訓練時會加入糾正姿勢的訓練，在選擇游泳比賽項目時亦須分外小心，避免必須由跳台跳入泳池的賽事，以免傷及患者的頭部。他授泳時因材施教，配合不同人的吸收速度調節訓練模式及技巧，「游四式二百米時要提佢哋分配體力；又要將教學步驟拆開好多步，避開抽象嘅用詞；場地客觀環境亦會影響表現，訓練時要避免太多人在旁令佢哋分心！」
多讚少罰為原則
唐氏症患者較常鬧情緒，游泳教練劉惠蓮在處理學員情緒時會以「多讚少罰」為原則，並從患者角度考慮他們能否應付相關要求，而非單單追求時間達標，「有啲小朋友到咗池邊唔肯落水，落水嗰啲鬧情緒又唔願游，惟有降低要求慢慢來」。甘志豪會與學員共同訂立目標，再通過每季測試讓他們了解自己有否進步，繼而調整目標。他希望藉着有系統的訓練及因應進度增加訓練時數，令以參加國際比賽為目標的泳隊成員可發揮所長奪佳績，同時也增強他們在身體、社交及自理方面的能力。