水署拆錯錶 累住戶制水
水務署「擺烏龍」截錯水錶，連累市民「被制水」！中環結志街有唐樓單位日前突被截水逾十五小時，令住戶狼狽不堪。水務署接獲投訴後始證實「截錯錶」，但反指水錶滲漏要求戶主維修，被質疑「整爛嘢」後意圖推卸責任。立法會議員與學者狠批水務署處事粗疏，要求盡快交代及檢討。
「嗰晚六點幾返到屋企居然冇水，想煲水、洗菜同煮飯都唔得！」鄔女士憶述當日如常傍晚下班回家，擬為家人造晚飯，竟發現單位被截水，「即刻打去水務署問，佢哋死都唔認截錯錶，總之就叫極都唔肯嚟整！」結果晚飯炮製不成，一家三口更「冇涼沖」，日常生活頓被打亂。
截水之前 水錶無異樣
及至翌日早上，鄔女士再次致電水務署要求職員到場，對方檢查後承認「搞錯掣、截錯水」，但卻拒絕負擔責任，「佢哋搞完一輪，就同我個女講個水掣漏水，要我哋即刻搵人維修，但我之前嗰晚先同隔籬屋一齊睇過，嗰陣乜事都冇！」鄔指當時因正值上班，雖對職員說法存疑，亦只能着女兒安排水喉匠維修，「十幾個鐘冇水用不特止，仲要連係咪佢哋（水務署）整爛水掣都未知，依家無端端要畀千幾蚊嚟整，你都咪話唔嬲！」
水務署發言人解釋，早前接獲客戶終止帳戶申請而到涉事樓宇回收水錶，並在核實編號及確定讀數沒有變動後拆除，但承認期後接獲鄔女士投訴單位被截水，派員調查始發現其單位水錶與申請終止帳戶單位的水錶互調位置，已即時恢復供水。不過，由於職員發現屬於鄔女士單位的水掣滲水，認為與配件老化有關，故根據《水務設施條例》建議用戶維修。發言人就事件致歉，強調已提醒職員以更具彈性的手法處理特殊情況。
「除咗要道歉，仲一定要檢討，保證唔會再有下次！」立法會民政事務委員會委員王國興直指事件引起市民莫大不便，水務署需負上全責，並應就事件作清晰交代。王又認為食水在生活中不可或缺，當局必需謹慎處理，做到「民生無小事」。
香港城市大學專業進修學院學術統籌宋立功亦斥責水務署敷衍塞責，令市民無辜受苦，「廿四小時熱線係用嚟提供緊急服務，有市民求助，水務署唔認錯之餘仲唔即刻跟進，好明顯就係失職！」宋建議當局設立機制，聯繫全港住宅大廈管理處或業主立案法團，一旦遇上突發事故可即時通報及跟進，提升服務質素。
記者：何穎賢