大除夕理應係一家人開心一齊過，但民建聯立法會議員陳恒鑌（Ben）兩公婆竟然選擇去朋友屋企燒炭？阿Ben尋日喺社交網站上載佢同老婆喺炭爐前嘅合照，睇真啲原來係食韓燒。阿Ben就話，已經好多年冇同老婆一齊過除夕夜，前晚應邀到朋友家中一齊韓燒，又有肉骨茶驅寒風。佢大讚呢個食法認真有風味，但由於喺室內用炭爐韓燒通風麻麻哋，於是有鄰居敲門投訴有好大陣異味，最終要開晒啲窗通風。如果唔係鄰居敲門查詢，佢哋喺密室內燒炭咪好危險？
