新界村屋僭建申報計劃前日截止，雖然計劃已延期三個月截止，但截至上月中都只係收到一萬一千份村屋僭建申報表，與逾十多萬村屋僭建相比，相信申報咗十分之一都冇，換句話未申報嘅村屋僭建物將會列作新嘅僭建物，當局會即時發出清拆令。不過，屋宇署署長區載佳一時間點樣發出逾十萬張清拆令呢？如果業主唔拆僭建又點處理呢？睇嚟區載佳面對執法相當頭痕，如果該署辦得到，當初就毋須推行申報制度，如今有關制度令署方處於進退兩難嘅困境。
