政情：肥佬黎李漢奸 遊行快閃

肥佬黎把口話冇事，但尋日下晝天氣和暖，見佢依然攬住頸巾，後來覺得熱先至除低，交由全程陪住佢嘅囝囝拎住。不過，佢行行吓覺得凍又再包番實，時冷時熱，睇嚟身體認真唔掂。遊行途中唔少市民叫佢哋一齊行晒全程，但肥佬黎就扯開話題話天氣好好，為中途離場埋下伏線。

路中心上車 雙白線掉頭

原來呢對難兄難弟一早預咗出嚟亮相攞威之後，就中途離隊歎世界，假民主嘅真面目同「忽然恤髮」嘅民主阿婆陳方安生如出一轍。當佢哋行到修頓球場時，李漢奸就施施然離隊去咗歎日本松葉蟹，每位晚飯套餐盛惠一千九百元，肥佬黎就由司機車咗去銅鑼灣食韓國菜。不過，肥佬黎父子就喺正電車路中心上車，仲要喺雙白線掉頭，公然違反交通條例。