政情:肥佬黎李漢奸 遊行快閃

尋日反政府遊行隊伍中,少不了「搞事四人幫」兩位成員,包括黎智英(肥佬黎)及李柱銘(李漢奸)。肥佬黎近期被本報踢爆疑似有腦病要密密求醫,而李漢奸就愈嚟愈消瘦,兩位難兄難弟下晝大約三點鐘到達維園草地時,就有唔少市民問候佢哋健康狀況,肥佬黎仲懶輕鬆話,身體冇咩事,做吓針灸,好普通啫!

肥佬黎把口話冇事,但尋日下晝天氣和暖,見佢依然攬住頸巾,後來覺得熱先至除低,交由全程陪住佢嘅囝囝拎住。不過,佢行行吓覺得凍又再包番實,時冷時熱,睇嚟身體認真唔掂。遊行途中唔少市民叫佢哋一齊行晒全程,但肥佬黎就扯開話題話天氣好好,為中途離場埋下伏線。

路中心上車 雙白線掉頭

原來呢對難兄難弟一早預咗出嚟亮相攞威之後,就中途離隊歎世界,假民主嘅真面目同「忽然恤髮」嘅民主阿婆陳方安生如出一轍。當佢哋行到修頓球場時,李漢奸就施施然離隊去咗歎日本松葉蟹,每位晚飯套餐盛惠一千九百元,肥佬黎就由司機車咗去銅鑼灣食韓國菜。不過,肥佬黎父子就喺正電車路中心上車,仲要喺雙白線掉頭,公然違反交通條例。

第一手消息請下載on.cc東方互動iPhone/iPad/Android/Windows Phone Apps