中環出更:沈祖堯叫學生放眼世界

出過唔少名人嘅文理書院今年創校五十周年,早前喺伊館慶祝金禧校慶,中大校長沈祖堯唔係「文理人」,都以嘉賓身份撐場,佢勉勵學生要以已故蘋果行政總裁喬布斯為榜樣,放眼世界。

「90後」青年嘆就業難,沈校長都有同感,佢提醒學生處世良方,係要終身學習來提升能力,迎接挑戰。佢又引述名著《誰搬走我的乳酪》,寄語學生喺面對變化時,要懂得應變和學會適應,並嘗試突破客觀環境嘅局限,呢番話,夠晒語重心長。文理書院出過前社署署長余志穩、著名電視監製鄧特希同醫專會副主席鄭淇德(Percy)等人。

文理校慶 舊生眼濕

Percy自爆小三時成績差到被人踢出校,幸好文理有教無類,收佢由小五讀到中六,後來仲去埋英國讀牙科,如今做咗牙醫,難怪佢提起母校就感觸到眼濕濕,今次仲請纓擔任校慶籌委會主席添。文理校友喺典禮上捐出近兩百萬元回饋母校,認真唔話得。

第一手消息請下載on.cc東方互動iPhone/iPad/Android/Windows Phone Apps