不過，早起身都有好處，事關身兼荃灣區議員嘅阿Ben，除咗專注喺立法會工作外，都無忘記鞏固地區工作嘅重要性，所以把握時間同市民接觸，例如朝早會抽時間派吓單張同工作報告等，至於晚上開完立法會後就趕返所屬選區，接見街坊並處理求助個案，工作可謂冇時停。
還記得選舉結束後，阿Ben曾應承同家人去旅行最終告吹，直到呢幾日聖誕節假期，阿Ben先至抽到一、兩日時間同家人行開休息吓，到本月底佢又要隨民建聯到廣東省訪問，之後又要準備自己首次提出嘅動議辯論。所以話呢，進身立法會不單止係個人嘅事，仲要家人支持同體諒先得。