政情：公民講場：老鴿充乳鴿換湯不換藥

前幾日民主黨（白鴿黨）改選領導層，聲言裸退又臨時着返衫參選嘅劉慧卿，以低票擊敗諗住坐定粒六嘅單仲偕（(先刂)雞），成為該黨首名女主席。表面上看似改朝換代，但其實卿姐同(先刂)雞年紀都唔細，加上三十個中委入面，三分二係四十歲以上嘅老鴿，確實有違該黨大革新同走向年輕化嘅目標。此外，無論係卿姐定(先刂)雞做主席，背後依然係由「張李楊集團」（張文光、李永達、楊森）操控，以為求其放幾隻乳鴿做中委，就可以幫白鴿黨轉形象殺出一條血路，查實只係整色整水，睇怕最終只會走上亡黨之路。