房署利民工程變擾民

升降機現代化工程原屬利民措施,惟因房屋署規劃欠善而適得其反。接連有香港仔華富(二)邨居民反映,新加裝的通風氣槽過於接近民居,系統亦經常發出低頻噪音並排出暖風及灰塵,擔心健康受影響。儘管房署強調氣槽對大廈環境影響輕微,區議員卻證實已接獲逾百名居民投訴,要求從速改善。

房署早前於華富(二)邨的華景、華昌及華翠樓進行升降機現代化工程,工程包括安裝新機房通風系統,但完工後即令居民怨聲載道。華景樓住戶李小姐指出,十七樓升降機機房,今年七月初加裝兩個氣槽,但因排氣口面向天井,每日不斷排出暖風及發出低頻噪音,「嗰朝房署派人嚟裝,唔使兩個鐘就裝好晒執嘢走人,點知個氣槽喺正單位隔籬,唔止嘈仲會吹熱風,真係好滋擾!」李坦言自氣槽安裝後生活即大受影響。

華富(二)逾百居民投訴

「整咗冇幾耐,風口位個鐵絲網已經積晒塵,好明顯就係有問題!」另一居民何女士指所居單位正正位於氣槽旁,發現槽口經常布滿灰塵,擔心會令健康受損,又不滿房署事前未有就工程進行諮詢,要求署方正視事件並作改善。當區區議員柴文瀚證實,至今已接獲三幢受影響公屋共逾百名居民投訴,「房署事前根本冇問過受影響居民,就喺正人哋單位門口裝氣槽,街坊梗係反感啦!」柴直言已向申訴專員公署投訴,要求房署盡快改善,並要求日後進行類似工程前,須先作全面諮詢及改善設計,將影響減至最低。

房署指住戶持不同意見

香港驗樓及結構診斷有限公司技術總監賴達明曾與記者實地了解,發現大廈升降機機房設於十七樓,氣槽無可避免須設於同層,但認為只需氣槽轉向近後樓梯外牆位置,即能大大減低對居民滋擾,「氣槽嘅作用係將機房入面嘅空氣同戶外新鮮空氣對換,其實只要將氣槽通向戶外就得,唔明點解偏偏要裝喺民居隔籬、最多人行嘅天井位!」

房署發言人未有正面回應,僅聲稱一直只有華景樓部分住戶「持不同意見」,並強調曾於華翠樓通風氣槽位置進行測試,結果顯示氣槽對附近溫度影響輕微,音量及空氣質素亦符合法定環保標準。發言人承諾,會安排承辦商不時清潔氣槽口鐵絲網及外層,以及每年定期清洗氣槽內部,但重申早在去年已就工程舉行簡介會,完工後亦有貼出通告知會居民。

記者:何穎賢

第一手消息請下載on.cc東方互動iPhone/iPad/Android/Windows Phone Apps