政情：公民講場：流會鬧劇 23不思議事件

其實唔止建制派變晒老弱殘兵，平時聲大大鬧爆建制派嘅社民連梁國雄亦賴嘢，佢話搭開港鐵都唔會遲到，但尋日忽然搭咗社民連架貨車返立法會，一塞車就出事嘞。其實每個議員嘅解說，都有佢嘅道理，但同一時間發生喺咁多位議員身上，真係好不可思議，唔通真係傳聞世界末日就到，奇怪事就多啲？至於信唔信佢哋嘅解釋，相信市民自有判斷。