政情：魔童食袁彌明檸檬

政府就發放免費電視牌照仲未有聲氣，等候發牌嘅城市電訊主席王維基（魔童）惟有頻頻落區「傳教」，喺有關電視發牌嘅論壇上宣揚發牌好處，尋日佢就去咗珠海學院，同人民力量陳志全（慢必）等人力撐電視發牌。不過，手持三十億現金嘅魔童似乎搣唔甩股傲氣，一時自誇係有骨氣嘅成功生意人，一時又讚自己挖角冇失手，估唔到連喺台下撐場嘅人力袁彌明（Erica）都係招手對象之一！
王維基
王維基

珠海學院尋日舉行論壇討論電視業改革，由於反對發牌嘅兩大免費電視台缺席，幾位撐發牌嘅嘉賓就集體唱獨腳戲，魔童亦唔放過表現自己嘅機會，除咗揚言無懼政府無了期拖延發牌外，更自詡向某大電視台挖角五十人冇一個擰頭。

袁彌明
  • 袁彌明

不過，曾經係藝人嘅Erica向我哋透露，魔童試過向佢招手，Erica想全心投入佢嘅政治理想同護膚品生意，所以只肯幫魔童嘅電視台客串一兩集，簽長約就免喇！

第一手消息請下載on.cc東方互動iPhone/iPad/Android/Windows Phone Apps