街市檔販公然煲煙
「個街巿又唔係大，人流又多，啲煙味真係好攻鼻，想食煙咪行多兩步出去食囉！」周先生指馬鞍山的恆安邨街巿經常有檔販無視室內禁煙條例，公然「邊開檔邊煲煙」，對附近的商戶以及顧客造成滋擾，要求管理公司及衞生署控煙辦公室多作巡查，「如果唔係啲檔販真係唔知驚，到時又係我哋班街坊要焗住吸二手煙！」
管理公司發言人表示，曾去信控煙辦要求加強巡查，並對商戶發出口頭及書面警告，亦在街巿內各通道張貼禁止吸煙警告和派發宣傳單張，提醒商戶街巿內嚴禁吸煙。
控煙辦發言人則稱，過去兩年共接獲兩宗涉及上址的違例吸煙投訴，期間控煙督察曾進行六次突擊巡查，並向四名違例人士發出定額罰款通知書。接獲轉介之後，控煙督察再作巡查，期間並未有發現任何違例人士，惟已提醒街巿及有關負責人協助執行《禁煙條例》。