休憩處疏窿棚架 房署做啲唔做啲
荃灣福來邨永寧樓對出設有休憩處，但被指僅有「疏窿」棚架，無法達到遮蔭效果。「淨係得個空架，遮唔到雨又擋唔到陽光，咁樣起嚟有乜嘢用？」何先生不滿房屋署「做啲唔做啲」，令居民得物無所用。
房署發言人承認，現正於上述屋邨進行多項改善計劃，當中包括優化邨內休憩設施，同時為棚架增設透明的纖維上蓋，提供適量遮光擋雨作用。有關工程會於年底前展開。
「起好個架又唔一次過整埋上蓋，分開嚟做已經唔啱，依家仲話要拖到年尾先整，房署真係好離譜！」荃灣區區議員羅少傑直斥房署處理失當，促該署必須盡快裝設上蓋，讓設施使用者可以早日「有瓦遮頭」。