究竟合資格長者幾時先可以領取長者生活津貼？咁就要問吓社民連梁國雄（長毛）喇！長毛話為咗要七十歲以上嘅長者可以免審查領取長津，孤軍一人喺財委會掀起咗一場拉布戰，至今已經提出百幾二百條動議，令財委會至今仍未能就撥款進行表決，聽講動議仲會陸續有嚟，佢仲一面拉布，一面公然開會睇波添。阻住長者攞長津，唔通佢一啲都唔覺心中有愧？唔知有無長者老當益壯，請佢食個勁度十足嘅波餅，一腳省醒佢呢？
