會帶嚟一片新景象
有新刊物面世，又會帶嚟一片新景象。《好報》個名改得真係好，人人都想多啲好事，好事一齊嚟就最好嘞。
政圈朋友收到風話就嚟有《好報》睇，當然係熱切期待喇，俗語有云：「好人有好報」，又云：「善有善報，惡有惡報，若然未報，時辰未到」。
做壞事必無所遁形
做好人就當然有好報，但係有啲搞搞震嘅人就一定會驚到有得震冇得瞓嘞，做咗壞事嘅人，例如出席社團飯局呀、坐私人遊艇、飛機，甚至坐擁巨宅等貪腐行為，以至反中亂港等，東方報業集團咁神通廣大，壞人壞事一定唔會飛出我哋嘅手指罅，一定會畀我哋摷晒出嚟，全部擺晒喺讀者面前，無所遁形。