電單車違泊嚴重警懶理
街道違泊問題無日無之，不但阻塞通道亦衍生噪音問題。居於荃灣大窩口邨的陳先生發現，常有電單車於富民樓對出一段大廈街邊違泊，「啲電單車當咗嗰度係停車場咁，開車嗰陣啲引擎聲好大、好嘈，有時朝早仲會畀佢嘈醒！」
警方發言人指出，接獲轉介後派員跟進及加強巡邏，並向違例停泊的電單車發出告票。在過去三個月，警方在上址向違例停泊車輛共發出逾一百張告票及二十三個口頭警告。警方會繼續監察上址交通情況，並採取執法行動。
「警方應該要留意多啲，嗰度好近民居，唔好由得公眾地方畀人霸咗嚟做泊車位！」陳先生要求警方加強巡查，嚴加執法。