45年金記冰室下月結業
【本報訊】業主三千萬元賣舖，老冰室下月結業！以燶邊煎蛋及香滑奶茶屹立筲箕灣四十五載的金記冰室，面積約四百平方呎，月租二萬四千元，但售價升至業主的「心水價」三千萬，下月租約期滿後雙方不再續租，九十一歲老闆陳桂秋及妻子決定營業至下月廿六日便光榮引退。有街坊表示同類老字號舊式冰室買少見少，將失去廿四元「公道價」的「雙蛋、通粉、奶茶」套餐。
老闆夫婦互生情愫之地
陳伯由做大牌檔起家，六七年開設金記冰室，開業時掛起的假電視瀑布裝飾及亮燈帆船掛畫，至今依舊不變，餐牌上的電話號碼還是六個位，絕對是「原汁原味」老字號。街坊形容金記為「有人情味嘅食店」，是閒時之落腳處。「我哋好多熟客細細個嚟食嘢，結婚、生埋仔之後就一家嚟幫襯」，陳伯說做街坊生意，絕不隨便因通脹而坐地起價。冰室亦是陳伯與妻子初次見面、互生情愫之地。「我同佢細佬係中學同學、經介紹後識咗佢個妹同埋佢（陳生）。」八十五歲的陳太說。
兩人生活簡單，三餐由冰室包辦，住所與冰室相鄰，生活花費甚少，退休後亦只求健康過活，「我哋到依家都無病無痛、有得食又有得住，得閒飲吓茶、睇吓電視就好好，仲有舖頭嗰幾隻貓陪伴左右，我哋識得知足常樂！」陳伯與前妻誕下的兒子在內地工作，間中與孫兒會來港陪伴兩老。
