工程質素差 衍生保安漏洞

除居屋外,房署轄下的公共屋邨,亦屢次被揭發工程質素差,隱藏保安漏洞。公屋聯會主席王坤批評,房署反應被動,每到有住戶遭爆竊後才跟進,未有履行「以人為本」的承諾。

公屋鐵閘曾被揭發鎖頭位置旁的鐵枝脆弱,有賊人拗斷鐵枝,再伸手入閘內開鎖,入屋爆竊。此外,部分舊式公屋,鐵閘日久失修,壞鎖、甩轆、甚至斷鐵枝,形成保安漏洞,令爆竊危機大增。後來,房署雖替住戶更換鐵閘,或在鐵閘加裝鐵板,防止有人伸手入閘,但王認為:「公屋啲鐵閘唔平,都唔知點解有咁嘅問題,房署成日話以人為本,但成日有事先做嘢。」

倡設智能卡系統

王續說,公屋應採用智能卡作保安系統,防止陌生人入內:「十五年前,房署喺幾個屋邨試過,之後冇咗件事,其實一幢公屋幾百戶,保安點認得晒咁多人,有啲住戶可能將密碼講畀外人聽,如改用卡出入,冇卡就出入唔到,保安會較嚴謹。」

第一手消息請下載on.cc東方互動iPhone/iPad/Android/Windows Phone Apps