卡通車仔失色 「星光」黯淡
尖沙咀星光大道為香港著名旅遊景點之一，每月人流量可高達五十萬。不過，鄧先生發現星光大道多個「卡通車仔」造型的小食店長期關閉，外層油漆亦告剝落，部分更被鐵欄重重包圍，認為有損本港旅遊形象，「啲車仔又唔係咩特別景點，以前都仲話係小食店畀人買嘢食，依家殘殘舊舊咁擺喺度邊好睇？」
星光大道管理有限公司發言人指，星光大道內的四部「卡通車仔」於○四年設立，目的為旅客及市民提供小食和攝影服務，有關營業時間及數目會因應天氣、人流及經營狀況而釐定。就有關小食亭被指丟空多時及有損香港旅遊形象一事，發言人承認部分設施已呈折舊情況，正準備翻新部分設施，預計於明年首季完成。
「以前啱啱開嘅時候有多啲選擇，但依家得番一檔燒魷魚，根本配合唔到旅客嘅需要！」油尖旺區議員關秀玲指出，近年有關小食店選擇愈來愈少，歡迎管理公司願意投放資源活化設施。