政情:李嘉誠北京勉勵學生 建更好自己 建更好未來

長江商學院尋日喺北京舉行成立十周年慶典,兼任該院名譽院長嘅長實集團主席李嘉誠親臨到賀,並以「行動英雄」寄語學生正活在充滿機遇嘅時代,要謹守正知、正行、正念,兌現對自己嘅承諾,建立同守望未來。佢仲以自己嘅信念:「建立更好的自己,才能建立更好的未來」,勉勵大家要靠雙手創建未來,才是唯一能信任嘅命運。

李嘉誠致詞時話,人最大悲哀係無聊,患上漠不關心嘅冷淡症,套上自命不凡嘅枷鎖,喺事業與權力嘅高崗上失去自重心,沉醉過往而滯留在今日。佢話對社會問題視而不見、無動於衷嘅藉口大王,一定被社會唾棄同淘汰,勸誡學生要反思自己嘅理想、價值取向與存在意義。佢又話,有能力嘅人應當負起為人類謀幸福嘅任務,同心合力推動社會改革進步。

第一手消息請下載on.cc東方互動iPhone/iPad/Android/Windows Phone Apps