塌樹多月唔理 部門捱轟
強颱風韋森特今年七月襲港期間，全港有大量樹木被強風吹塌，青衣長康邨公園亦有樹木被吹至連根拔起，連帶四周之石壆亦告損毀。不過，陳先生指相關部門至今仍未有清理現場，令居民無法享用設施，「都已經幾個月啦，啲樹根仲未清埋，個公園幾時先用得番？」
地政總署發言人證實，至今共接獲三宗投訴，指上址有兩棵塌樹阻礙行人路，早前工務部門已將樹幹部分清理，餘下樹根亦於日前完成清理。
「係就係移走咗啲樹根，但裂咗嘅石屎都仲未清理，成個公園又冇圍封，小朋友走咗入去容乜易鎅傷？」當區區議員徐曉杰批評地政署低估事件的嚴重性，指出上址有石屎爆裂，卻未有完全圍封公園，會對居民安全構成威脅，要求地政署盡快清理。