頓失家庭支柱 四母女徬徨
【本報訊】「佢平日好顧家，為咗賺多幾個錢幾乎年中無休，夜晚收咗工仲會煮飯畀啲女食，點解就咁就走咗……」杜偉順為治療肺炎一去不返，杜太談及丈夫生前種種，即難掩傷痛、泣不成聲。杜家失去好爸爸好丈夫外，亦頓失經濟支柱，日後生活大感徬徨外，死者殮葬費用亦有待籌措。東方日報慈善基金經了解情況後，即時從「無力殮葬」專戶撥款兩萬元，以協助杜家籌辦死者後事。
一周做足七日 供書教學
杜偉順為了三名分別就讀中六、中五及小三的女兒的龐大學習開支，每星期開足七日工，杜太因要照顧幼女，只能在涼茶舖當夜更兼職，每月賺取數千元幫補家計。長女阿儀指父親一向節儉，一家人平日鮮有外出，大時大節亦多在家慶祝，最近一次外遊已是兩年前，一家往澳門暢遊兩日一夜，原擬明年她考畢文憑試後再舉家短線旅遊慶祝，惜已無法成行：「爸爸突然死咗，真係好傷心。」
杜太又說：「屋企向來冇乜積蓄，佢隻手有事之後已經兩個月冇工開，捱到依家真係乜錢都冇晒，連佢嘅後事都唔知點搞！」對於東方日報慈善基金的即時施援，杜太致以衷心感激。
捐款編號：12360