中環出更：黃傑龍斯里蘭卡 遭留難
香港有個貪盡海陸空嘅「貪曾」曾蔭權，估唔到遠在斯里蘭卡都有一班貪官。話說十大傑青黃傑龍（Simon）上周遊斯里蘭卡覓商機，入境時遭政府人員留難，好彩最後都成功過關。
見到野燕 又到佛廟
初次遊佛國，Simon與爸爸及友人帶住興奮心情抵埗，點知入境一刻，櫃位個男關員突然變臉，指着三人在網上申請嘅入境簽證話無效，Simon心想，透過斯里蘭卡駐港領事館申請嘅正式證件，無理由係假證。男關員於是拉Simon埋一邊，以「爛」英文話：「You help me，I help you！」意思係你識做，我就識做。
雖然入境遇到阻滯，幸好遊斯里蘭卡都有唔少開心回憶，好似見到野生燕子、大象及鱷魚，又參觀佛教古廟、木雕工場及海產市場，品嘗地道黑胡椒炒大肉蟹，臨走前買咗大批錫蘭紅茶及腰果做手信，總算補番數。
卓妮