「牙擦詹」負傷仍不收口
詹培忠果然不失「牙擦詹」本色，他捱打後照樣不收口，在醫院候診時講到不停口，他向記者講述遇襲經過時手舞足蹈，神態自若，他稱：「以我嘅江湖地位都敢打，即係我啲朋友都打得啦！」他無半點懼色，離開醫院時接到前保安局局長李少光來電慰問，他即稱：「你一唔做局長我就畀人打啦！依家直頭挑戰香港政府呀！」
堅稱無欠債及不涉桃色
身穿西裝的詹培忠由同事陪同到醫院驗傷，他在急症室持手機不停接電話，向致電慰問的友好連聲感謝，又一臉得戚稱：「無咩嘢啫！係雙眼腫咗、個嘴損咗咁囉！多謝關心！」記者問他是否有欠債，他笑稱：「我無爭人錢！人哋爭我錢就有！」又問他是否因爭女被尋仇，他又笑答：「我呢個年紀點會同人爭女呀？」詹離開醫院時亦不停講電話，期間他嬉皮笑臉在電話中向李少光說：「局長，多謝你關心！局長，預祝你選人大成功！得閒出嚟食飯啦！」
詹堅稱沒欠債及不涉桃色，但因為「我又做生意又從商又從政，甚麼都有，我個社會關係太複雜啦！」又自嘲「我周身牙齒印，真係唔知咩人打我！」
本報記者