當晚有份出席嘅現任、前任官員粒粒皆星，有政務司司長林鄭月娥及商務及經濟發展局常秘黃灝玄等，已離開官場嘅有鄭汝樺、「AO酒聖」蔡瑩璧同前工務司詹伯樂都畀面出席，可以話雲集幾代精英高官。當晚仲秉承政務官傳統，無論係D姐致詞抑或係其他嘉賓演講，甚至係「AO歌王」楊立門獻唱時，都一律全英語對答。
葉劉盛讚 英文一流
對英語水平極高要求嘅行政會議成員葉劉淑儀都大讚D姐英文一流，絕對係官場典範，仲叫啲後生AO好好學習。高官在位時被擦鞋，一啲都唔出奇，但D姐已是無權嘅退休高官，都咁受前同事愛戴，證明佢人緣真係好到無得頂。