商場爛梯級 領匯冇修
設施結構安全與市民息息相關！居於荃灣區的黃太發現，領匯轄下荃灣大窩口商場有梯級有石屎剝落情況，毗連梯級的牆身更呈現裂痕，「爛成咁都唔整或者圍封住先，如果有人戟親或者冧落嚟點算？」黃太不滿領匯對轄下設施損毀久未維修，斥管理質素欠奉。
領匯發言人表示，早在今年九月已對上述商場進行詳細檢查及完成有關的勘察工程，並確認樓梯及牆身結構安全，至於裂痕問題正安排維修，工程將於今月開始，預計下月完工。
「明知啲設施爛咗就要快啲整番好，唔應該慢慢拖唔去整！」黃太認為領匯應加強管理轄下設施，如有需要，必須盡快跟進維修，以保障市民安全。