現屆政府重設解散多年嘅扶貧委員會，重點處理扶貧問題。前扶貧委員會成員、社福界權威港大社會工作及社會行政學系講座教授周永新，尋日接受專訪時數臭「貪曾」曾蔭權冇興趣扶貧，憶述同貪曾會面時，仲成日被貪曾話佢哋啲社福界人士係「社會主義」，佢又批評貪曾喺扶貧委員會設立時係威係勢，之後開會就冇晒影，以致種落好多貧窮問題。總之貪曾種落嘅、埋下嘅問題唔少，呢屆政府都要有排至可以解決。
