政情:大舞台:鍾樹根賣酒拓「錢」途

民建聯立法會議員鍾樹根被發現同黨友及朋友夾份開公司做茅台酒生意,佢自稱平時好少飲酒,但難得朋友攞到貴州茅台酒廠副品牌「海峽兩岸酒」嘅海外代理權,所以就夾少少錢睇吓有無賺錢機會,又強調自己純粹係投資者,遲啲會積極推銷咁話。鍾樹根之前開IT公司進軍科技業務,依家又染指茅台酒業,雖然唔稱得上好有生意頭腦,但就咁睇佢做生意嘅涉獵範圍都唔算窄囉。