中環出更：劉燊濤想生B 劉展灝有孫抱
香港工業總會副主席劉展灝（Stanley）囝囝、飛騰錶業品牌經理劉燊濤（Gary），返港打理家族生意短短幾年，表現愈來愈出色，去年十一月仲成家立室。Gary喺婚後話要先享受吓二人世界，唔急住生BB，但佢早前出席活動時就鬆口話，差唔多係時候追個BB，相信佢爸爸Stanley聽到實開心到飛起，今次真係抱孫有望喇。
出動靚錶追老婆
Gary早前搞咗個時尚腕錶展，除咗出動城中星級靚女齊行騷外，佢太太吳奕筠（Daphne）亦到場幫手，卓妮見佢戴住自家靚錶，潮味十足。Daphne笑住踢爆Gary當年追佢嘅秘史，原來自家嘅天普時腕錶都係秘密武器之一，現時收藏有七、八隻咁多，可能僅次於品牌代言人添。