上星期舉行嘅新界東北發展計劃諮詢會上，發展局局長陳茂波被現場部分人士稱呼為「劏房波」，臨走前仲被人擲水樽，險被擲中，認真無奈。陳茂波尋日接受電台訪問時話，並冇為事件而嬲，但被問到點解回應現場提問時嘅語氣咁激動，佢就坦言自己嘅修養唔夠，又話當時唔能夠三言兩語澄清誤解喎。佢又承認，現時嘅工作唔容易，但冇後悔加入政府，最重要係清楚目前工作係為咗香港好。
