建材阻街 食署視若無睹
行車路淪為免費倉庫，食物環境衞生署被轟執法「是旦」！深水埗居民楊先生指出，醫局街與海檀街的通道不時被二手電器及建築物料霸佔，令上址人、車同告難行，不滿投訴多時情況仍未有改善，「啲卡板擺到成五呎高，真係好離譜，但又冇人嚟執法，日日係咁都冇人理，結果就搞到人人都擺啲嘢出嚟！」
食環署發言人稱，接獲本報轉介後曾派員巡查，惟未有發現貨物放在公眾地方造成阻塞，認為該處環境衞生滿意。過去三個月，該署對上址店舖共提出三宗相關檢控。
「我日日行出行入都見到成條街都擺滿晒貨，食環署點解可以話見唔到？我仲有相為證，日日都見到有！」楊先生直指上址阻街情況從未間斷，不滿食環署指「冇發現」說法，又認為該署三個月只有三宗檢控未能反映實況，直指當局執法不力之餘亦有變相縱容之嫌。