土木署擅闖民居動工

「嗰日見到好多工人拎住堆鐵通去後山，以為有事發生啦，點知佢哋即刻話：『冇事，唔會喺你笪地起嘢，放心啦！』」新田村村民劉先生憶述，當日發現有工人擅闖其私人土地，經查問後曾獲保證工程將不牽涉名下擁有的土地，惟事實卻非如此，「冇耐佢哋就喺我笪地起咗條長鐵梯出嚟，話要做探土工程，我話要搵個負責人問清楚發生咩事，點知冇一個人答到！」

土壤流失降山坡穩定性

劉先生坦言對土木署的處事態度大感不滿，更擔心工程會令山坡泥土鬆脫，造成塌坡，「做工程之前冇問過我不特止，用嚟搭樓梯嘅鐵通仲插晒落去斜坡，整到一個個泥窿，但又冇應承工程完咗之後會填番，真係好擔心。」劉不滿事前、事後均未有政府部門派員解釋，要求當局給予合理交代。

搭建鐵梯的鐵通令斜坡留下泥窿。	工程地段遺留雜物，無人清理。	劉指其私人地段（黑框位置），事前未獲部門知會便進行工程。

香港專業教育學院（青衣）建造工程系系主任陳子明表示，為進行探土，以鐵通搭建的鐵梯難免會留下泥窿，但在採集樣本後，工程人員一般會以英泥沙漿填塞窿口，故不會對泥土或山坡結構造成影響。不過，倘若工程後未有處理泥窿，窿口有機會令周邊土壤流失，影響山坡穩定性而造成塌方。

土木工程拓展署發言人承認，工程前未獲業權人同意，便搭建長約三十米的鐵梯，但解釋施工期間，承建商為配合現場地形及避開樹木和孤石，令搭建的臨時樓梯位置偏離原先選取範圍，並進入劉之私人地段。承建商承諾會於工程完成後將鐵通移離並回復土地原貌，該署亦已要求顧問公司加強監管。發言人續稱，上述勘察工程目的為研究新田村天然山坡穩定性，並為可能進行的防治山泥傾瀉設計收集數據。

區議員斥「甩轆」須檢討

「探土根本唔係一項緊急工程，部門冇理由未搞清楚業權就開工，結果鬧出擅闖民居呢啲笑話！」當區區議員程張迎以「甩轆」形容事件，更直指土木署明顯出現行政失誤，認為當局須就事件從速檢討並作交代。程又指近年政府委託的顧問公司質素每況愈下，工程期間不時出現大大小小問題，要求當局加強監管。

記者：伍思明