由被揭發被捕至今兩年，兩被告鄧貴文及梁肇榮都受到巨大的壓力，坦言對判刑「唔擔心就假」。鄧貴文昨更首次開腔，說自己「畀人擺上枱，好似做替死鬼咁。」對於法庭不相信他們的說法，鄧無奈地表示：「一個兩個講佢唔信，一百幾十個企出嚟講，力量就唔同」，只是不少同袍為求自保，未能挺身而出為他們佐證。
鄧貴文坦言「打定輸數」準備要坐監：「我以戴罪之身出嚟大膽講出個問題，唔係因為我要甩罪，只希望署方肯正視個問題再作出改善，我唔想有同袍行上同一步。」
他指這個工作模式流傳已久，雖然覺得不當，亦投訴無門，「依家個柯打係懲教署最大嗰個落嘅，話要呢個數，我一個人可以做啲乜，個個咁做，投訴嘅話咪即係篤人出嚟，實畀人排斥針對」，他又指同齡的同袍不是被人調走就是提早退休，若有現役同袍到法庭旁聽，亦會受到上級查問。
懲教人員總工會關注小組召集人黃偉雄認為，法庭裁決正確，對於有同袍違法感到難過，相信懲教人員會續認真工作。
本報記者