人民力量同選民力量幾位核心成員，包括候任立法會議員陳志全（慢必）、袁彌明、主席劉嘉鴻、「星屑醫生」歐陽英傑及林雨陽，近日去咗泰國蘇梅島旅行，趁選舉後充電。雖然星屑醫生身在蘇梅，但就好似好掛住香港，喺社交網站問大家：「有冇掛住我先？」尋日仲上載咗一張同太太嘅「浴照」，講笑話要畀大家「止咳」喎！
所謂嘅「浴照」其實只係星屑醫生同太太着住浴袍坐喺酒店梳化嘅梳乎合照，原來尋日係醫生兩公婆結婚七周年紀念日。
