政務司司長林鄭月娥尋日接受電視台訪問時，談及個人民望時一度激動落淚，自稱加入新政府係希望為香港人服務，仲將個人誠信押注落新政府，希望五年後嘅香港會更好。不過，林鄭解釋自己之所以感觸落淚，係因為市民對特區政府冇信心、冇信任，甚至有猜忌，即使盡心盡力，勤政為民，市民一句「我唔信你」，政府講咩都冇用。林鄭講到淚流滿面，感覺有啲委屈。
