立法會選舉選情混亂，各黨派內外互相搶票外，泛民主派更出現內訌，例如民主黨（白鴿黨）成員去廉政公署及選舉管理委員會舉報有公民黨候選人涉虛報「教授」銜、人民力量狙擊白鴿黨支持政改方案「賣港」等，本來呢啲問題應該由執法部門調查及交由選民決定踢走邊啲政黨，但近日壹傳媒肥佬黎竟出嚟搞搞震。
肥佬黎尋日喺旗下嘅《蘋果日報》發表專欄文章，狠批人民力量黃毓民收咗左派錢。文章一出即時引起人民力量支持者強烈不滿，毓民怒斥肥佬黎無憑無據作失實聲明，會考慮去廉政公署投訴。毓民質疑肥佬黎捐咗千幾萬畀白鴿黨但一直冇交代，又質疑篇文係想保住無恥嘅白鴿黨。
人民力量話會喺選舉後再研究下一步行動。九龍西候選名單仲有梁美芬、黃碧雲、毛孟靜、譚國僑、蔣麗芸、林依麗、黃以謙及黃逸旭。