中國奧運金牌運動員尋日訪港，面對來勢洶洶嘅國民教育必答題，一眾運動員輕鬆拆招。有記者問佢哋點睇香港推行國民教育，衞冕男單羽毛球金牌嘅林丹話，老師可以教導學生學習運動員堅持不懈嘅可貴精神，又話可以用佢哋嘅經歷勉勵年輕人全力以赴追求夢想。國家隊跳水一姐吳敏霞被問到覺唔覺得將佢嘅成就寫入教科書係報喜不報憂時，佢就話奧運冠軍只係表面風光，其實唔少運動員背後付出咗很多努力，建議老師可以用呢啲背後故事教育小朋友喎。
