奧運直播與節目表不符

「明明寫係直播男子馬拉松,點解會變咗播手球賽?」李先生早前透過有線電視收看倫敦奧運直播賽事時,發現節目時間表原先列明八月十二日下午約六時轉播「男子馬拉松」,但發現電視台一直播放手球銅牌戰。

有線電視發言人解釋,按該公司紀錄,當日晚上六時起會播放「男子馬拉松」及「手球銅牌戰」兩項賽事,由於奧運期間經常有多項賽事同時舉行,如某項賽事進行時間較長,該公司會插播其他觀眾關心的熱門賽事。

「呢次唔係個別情況,另外一次女子馬拉松又係咁,奧運四年先一次,可唔可以安排好啲?」李先生認為有線電視的解釋並不合理,要求速作檢討,以改善服務質素。

第一手消息請下載on.cc東方互動iPhone/iPad/Android/Windows Phone Apps