街市垃圾房傳惡臭

街市垃圾房臭味強勁,街坊買菜獲送「臭氣」!陳小姐習慣每日前往牛頭角街市購物,近日發現街市內經常瀰漫陣陣惡臭,陳順藤摸瓜,最終發現臭味來自街市垃圾房,「以前都會有臭味,但係一定冇咁勁,依家成個街市都好臭,啲商戶日日聞真係慘,點解唔清潔下?」

食物環境衞生署發言人表示,接獲轉介後曾派員到場視察,發現垃圾房的空氣淨化機損壞,已立即要求機電工程署盡快作出維修。發言人又稱,維修期間會安排潔淨服務承辦商加強清潔垃圾房,以降低垃圾房傳出的臭味。

「樓上就係食環署嘅辦公室,佢哋唔係會成日巡嘅咩,有嘢壞咗都唔知,究竟點做嘢㗎?」陳小姐不滿食環署未有認真巡視轄下街市,任由設施損壞,令商戶及市民受害。

第一手消息請下載on.cc東方互動iPhone/iPad/Android/Windows Phone Apps