政情：大舞台：敢言林鄭令KK唔敢出聲

民協立法會議員馮檢基（KK）由九龍西直選轉戰超級區議會議席，選情並不樂觀，連佢自己都話今次係冒住滅黨風險參選。政務司司長林鄭月娥日前同前扶貧委員會成員會面時，有與會人士就爆料話林鄭一見到KK，就劈頭問KK係咪會「滅黨」，其他與會者聽到都不禁竊笑，盛讚林鄭夠敢言，相反KK就以笑遮醜唔出聲。超級議席候選名單仲有劉江華、李慧琼、陳婉嫻、何俊仁、涂謹申及白韻琹。