洪祖杭「一錘定音」
福建幫兩大巨頭林樹哲同洪祖杭日前出席一項活動時，都被問及福建幫會撐邊個建制派候選人，起初林樹哲對呢個問題都諱莫如深，僅承認福建幫已有取態，但又話依家唔講得畀大家聽住，再三追問下先露口風話下月一日先至講，搞到神神秘秘咁。
不過，洪祖杭就直率好多，佢以肯定嘅口脗話福建幫只會支持曾鈺成同鍾樹根名單，至於過去長年扎根北角嘅立法會議員王國興，洪祖杭就話對方有工聯會支持喎，取態相當清晰。香港島候選人仲有單仲偕、葉劉淑儀、劉健儀、劉嘉鴻、陳家洛、何秀蘭、吳文遠、勞永樂、許清安、吳榮春、何家泰。