中環出更：廿歲吳崇暉搞「興」舞會

Johnathan仍在英國讀書，佢話今次只用咗一個半月時間籌備，又遇上颱風多雨嘅天氣，令義賣及探訪長者活動受阻，好彩最終籌款成績唔錯，為「仁濟緊急援助基金」出份心力。佢話，透過參與今次活動，體驗到玩樂唔夠做善事開心，亦開始明白點解爸爸對慈善工作樂此不疲，聽到吳國榮好感動。

當晚現身撐場嘅名人包括前主席李文斌、董吳玲玲及前總理、米蘭站主席姚君達等，卓妮見到一位人稱「仁濟表妹」嘅靚女賴煒琳（Angel），原來佢係總理黃美斯嘅表妹，曾以海外學生會副主席身份為仁濟籌款，Angel依家係幼兒教育工作者兼作家，但仍經常抽空幫手，難怪咁多人錫佢。

總理王賢訊及太太朱穎詩（左二及一）有影皆雙，右起為姚君達及總理鄧肇殷。	吳國榮（中）力撐囝囝吳崇暉（右二），高價投得副主席鄭承峰（右一）捐出嘅美酒。左起為鄭承隆及仁濟行政總裁黃偉健。（溫國佳攝）	有阿仙奴全隊球員簽名的球衣。

拍賣阿仙奴簽名球衣

是夜活動高潮莫過於慈善拍賣，拍賣品有英超球隊阿仙奴廿四名球星簽名嘅球衣、軒尼詩靚酒及Port des Arts限量珍藏美酒。主席鄭承隆就以五萬元投得米蘭站捐出嘅名牌手袋，未婚但已有甜心女友嘅佢，唔通用來氹佳人？

卓妮