以往義無反顧為民建聯抬轎嘅鄉事派，終於忍無可忍，嚟緊九月立法會選舉會改為支持其他建制派候選人。新界東幾個鄉事委員會都支持經濟動力候選人參選，反而北區四個鄉委會就早有其他選擇。
上水鄉事委員會主席侯志強解釋，佢早已決定支持其他建制黨派，所以婉拒經濟動力嘅邀請，仲話情況就好似個女已經嫁咗人，唔通捉佢返嚟嫁畀第二個咩？不過，鄉事派立場係，只要唔係益民建聯，相信支持邊個都冇所謂。
