選舉期間搶佔有利位置宣傳本來係人之常情，但有人疑似為咗拉票唔理其他人感受，被干預時仲話受傷要入院，呢個行為絕對唔要得。話說立法會新界東候選人方國珊尋日下午四點幾，喺港鐵坑口站A出入口對出嘅空地用揚聲器宣傳，佢報稱突然有港鐵職員衝前大叫佢嘅全名，大聲吆喝佢唔好用揚聲器並要求她離開。
方國珊形容，當時即時嚇了一跳，右耳耳鳴又赤痛，所以決定報警。就現場所見，方國珊到醫院接受治療時，醫護人員用包有冰嘅毛巾畀佢敷耳，再開啲止痛藥畀佢就要佢即時出院。話時話，港鐵早喺立法會選舉提名期開始前已通知各候選人，港鐵範圍禁止進行選舉活動，究竟今次係港鐵職員嘅錯，定係有人無理取鬧誇大「病情」，相信大家都心裏有數。
已報名參加新東的候選人仲有張超雄、田北俊、葉偉明、陳志全、蔡耀昌、黃成智、范國威、劉慧卿、何民傑、湯家驊、陳克勤、葛珮帆、梁安琪、龐愛蘭、陳國強、龐一鳴、梁國雄、邱榮光和徐家傑名單。