鄉議局主席劉皇發尋日報名參加立法會鄉議局功能界別議席，預料唔會有人同佢競爭，好大機會繼續在無對手下自動當選。被問到好多新界東及新界西嘅鄉事派成員拒絕幫民建聯助選，反而支持或提名其他黨派參選人，點知發叔就回應話「唔記得」支持咗邊個，又話自己支持個制度，只要參選人有心服務社會，佢就會支持喎。究竟發叔因為年紀大記性唔好吖，定係選擇性唔記得呢？抑或佢想暗寸民建聯唔值得支持呢？
