我哋向阿Paul求證，佢聽到呢個消息後都好淡定，話同中聯辦不時有聯絡，但多數講旅遊界嘅嘢，好少談及選舉事務喎，咁為白姐姐「謝罪」係家庭事務定其他事務，真係得阿Paul自己至知。
如「被收兵」靠自己
至於白姐姐出選激嬲中聯辦，令西環決意「收兵」，阿Paul好坦白，話就算中聯辦「嬲都唔出奇」，因為白姐姐嘅參選令好多人都始料不及。
阿Paul仲好有信心咁講，未來幾日會密切留意班樁腳有無走佬，如果真係「被收兵」都無辦法，惟有靠自己喎。不過佢自己評估，覺得白姐姐出選都唔會對建制派構成威脅，反而會搶走民協馮檢基嘅票源。嘩，唔通呢個就係佢去西環謝罪嘅解說？參選九東嘅仲有胡志偉、黃國健、陳鑑林團隊同許錦成。