公園維修設施 歎慢板
公園設施損壞多時卻維修無期，康樂及文化事務署被指「歎慢板」！青衣東北公園內有兒童遊樂場及長者健體等多項康樂設施，惟李先生早前發現部分被康文署以封鎖帶圍封，逾月未見有人維修，不滿當局拖延處理，「包得膠帶即係知道壞咗啦，但點解拖成個月都唔整番好佢？」
康文署發言人證實，公園職員早前巡視時，已發現一件長者上肢伸展器及一個鞦韆座位損壞，強調已即時要求承辦商進行維修，維修工作現已完成，並重新開放予市民使用。
「康文署公園啲器材質素本身已經參差，佢哋又冇即時維修，涉及程序又多，搞到啲維修工程成日都要拖咁耐！」葵青區區議員林立志直指康文署維修「歎慢板」，建議該署日後應購買質素較佳及耐用器材，以減低維修次數及有關開支。