大埔大美督村村民黃小姐（化名）指出，近日村內有小路疑被人以鐵欄圍封，由於有關道路屬黃回家必經之路，現時每日需「兜個大圈」始能返家，「無啦啦要行多好多路，而且後面條路又暗又凹凹凸凸，真係好唔方便！」黃曾向地政總署及警方投訴，卻不得要領，「地政職員話佢哋好忙，只係幫我記低資料，但成個禮拜都冇回覆，警方就直情話處理唔到！」
地政總署發言人證實，上址行人通道屬政府土地，視察時發現正被兩道黑色鐵欄阻封，已張貼告示要求佔用人於限期前清拆，否則會採取土地管制行動。
「同你哋《東方》講完之後，個鐵欄雖然都未拆走，但起碼都開番條路嚟行！」黃小姐表示，經轉介後上址通道已重開。不過，對於地政總署未有主動跟進市民投訴，黃仍深感不滿，認為當局應訂立相關服務承諾，改善工作效率。