「公屋」過去造就好多成功故事，房屋委員會最近就製作一系列「屋邨小說」短片，由多名公屋居民親自論述自己嘅故事，展現佢哋對屋邨及社區嘅感情和印象。
尋日推出咗首集《華富拾趣》，靚空姐Koney親述喺港島南區華富邨嘅成長故事，好似細個同鄰居小朋友踢西瓜波、放「風箏」、入鬼屋，仲見過海面有「潛水艇」添！
Koney話，由細到大都喺華富邨居住及讀書，住咗廿四年，直到出外工作才搬走。講到童年往事，不外乎「周圍走、周圍玩，踢西瓜波，喺巷尾用背心膠袋當風箏放，好多頑皮得意嘅往事！」佢記得有次望住大海，見海面有一支好長嘅物體伸出來，佢至今依然覺得係潛水艇。
雖然如今已搬離華富邨，但Koney話依家佢同兩個家姐每月都會返屋企同媽咪飲茶。