特首梁振英政府近日遇到唔少風風雨雨，有評論就話，政府要靠派糖先可以挽回民望。財政司司長曾俊華尋日落區，就正正被問到呢個問題，曾俊華好從容咁話，新班子都唔太習慣派糖喎。以前貪曾當政嘅時候，每次都係靠派糖塞住悠悠眾口，曾俊華亦曾被指派負責相關工作，佢今次咁講，唔通真係換咗特首之後會有新氣象，唔使靠派糖都可以贏得市民掌聲？
